झापा–३ मा रास्वपाका प्रकाश पाठक विजयी, राप्रपा अध्यक्ष लिङ्देन पराजित

काठमाडौं । प्रतिनिधिसभा निर्वाचनमा झापा निर्वाचन क्षेत्र नम्बर–३ बाट राष्ट्रिय स्वतन्त्र पार्टी (रास्वपा) का उम्मेदवार प्रकाश पाठक निर्वाचित भएका छन्।

अन्तिम मतपरिणामअनुसार उम्मेदवार प्रकाश पाठक ले ३८ हजार ६७४ मत प्राप्त गर्दै निकटतम प्रतिस्पर्धी राप्रपा अध्यक्ष राजेन्द्रप्रसाद लिङ्देन लाई २१ हजार ३८० मतान्तरले पराजित गरेका हुन्। यससँगै पाठक पहिलो पटक सांसद बनेका छन्।

यसअघि २०७९ सालको प्रतिनिधिसभा निर्वाचनमा लिङ्देन विजयी भएका थिए। क्षेत्र नम्बर–३ का अन्य प्रतिस्पर्धीमध्ये नेपाली कांग्रेसका राजेन्द्र घिमिरे ले ८ हजार १९९, एमालेका हरिबहादुर राजवंशी ले ७ हजार ४९२, श्रम संस्कृति पार्टीका दीपक तिम्सिना ले ७ हजार ३३९, र नेकपाका डिल्लीराम घिमिरे ले १ हजार ४५० मत प्राप्त गरेका हुन् ।

क्षेत्र नम्बर–३ मा कुल १ लाख ४० हजार ८५७ मतदाता रहेकोमा ८८ हजार ५६१ मत खसेको हो । यस नतिजासँगै झापा–३ मा रास्वपाले आफ्नो प्रभावशाली उपस्थितिलाई स्पष्ट बनाएको छ।