झापा–५ मा निर्वाचन सुरक्षा कडा : तीन सुरक्षा निकायको संयुक्त गस्ती सुरु

काठमाडौं । आगामी फागुन २१ गते तय भएको प्रतिनिधि सभा निर्वाचनलाई लक्षित गर्दै झापा क्षेत्र नम्बर ५ मा सुरक्षा व्यवस्था कडा पारिएको छ।

शान्ति सुव्यवस्था कायम राख्न र सम्भावित आपराधिक गतिविधि नियन्त्रण गर्न नेपाली सेना, नेपाल प्रहरी र सशस्त्र प्रहरीको समन्वित गस्ती अभियान सुरु गरिएको हो।

एकीकृत सुरक्षा रणनीति अन्तर्गत सञ्चालन भइरहेको यस गस्तीमा आवश्यकताअनुसार सुरक्षाकर्मी परिचालन गरिएको जिल्ला प्रहरी कार्यालय झापाले जनाएको छ।

सूचना अधिकारी प्रहरी नायव उपरीक्षक खगेन्द्र बहादुर खड्काका अनुसार निर्वाचन अवधिभर संवेदनशील स्थानहरूमा विशेष निगरानी बढाइएको छ।

निर्वाचन प्रक्रिया निष्पक्ष, भयरहित र व्यवस्थित वातावरणमा सम्पन्न गराउने उद्देश्यसहित सुरक्षा निकाय सक्रिय बनेका छन्।

स्थानीय प्रशासनले सर्वसाधारणलाई पनि कुनै शंकास्पद गतिविधि देखिएमा तत्काल सूचना दिन आग्रह गर्दै निर्वाचन सफल पार्न सबैको सहयोग अपेक्षा गरेको