त्रिवि सुधार र विद्यार्थी हकहितको पक्षमा अखिल समाजवादीद्वारा ३२ बुदे मागपत्र पेस

अखिल (समाजवादी) ले त्रिभुवन विश्वविद्यालयका उपकुलपति प्रा.डा. दीपक अर्यालसमक्ष विश्वविद्यालय सुधार र विद्यार्थीको हकहितका पक्षमा विभिन्न मागसहित ज्ञापनपत्र  पेस गरेको छ ।

नवनियुक्त उपकुलपति अर्याललाई बधाई तथा शुभकामना दिँदै अखिल ९समाजवादी० ले ३२ बुदे ज्ञापनपत्र पेस गरेको हो । ज्ञापनपत्रमा शैक्षिक र प्रशासनिक संरचना, दलीय राजनीतिक भागभण्डा र चरम राजनीतिक हस्तक्षेप, परीक्षा प्रणाली, भौतिक पूर्वाधार, प्रशासनिक सुशासन, शैक्षिक क्यालेण्डरको कार्यान्वयन, खोज तथा अनुसन्धानमूलक पाठ्यक्रम निर्माण,  शैक्षिक जनशक्तिलाई राष्ट्रिय अर्थतन्त्रसँग तालमेलको अभाव, त्रिविको जग्गा हिनामिना लगायतका त्रिविका तमाम समस्याहरुको उचित समाधानको माग गरिएको छ ।

ज्ञापनपत्र पेस गर्ने क्रममा अखिल (समाजवादी) का केन्द्रीय अध्यक्ष नरेन्द्र सी, उपाध्यक्ष ललित सी, महासचिव प्रकाश सी र त्रिवि जिल्ला इञ्चार्ज सलत सीले संक्षिप्त भनाइ राख्नुभएको थियो भने जवाफका क्रममा उपकुलपति प्रा.डा. अर्यालले अखिल ९समाजवादी० द्वारा पेस गरिएका सबै मागहरू उचित र त्रिविका लागि आवश्यक भएको भन्दै कार्यान्वयनको लागि प्रतिबद्धता व्यक्त गर्नुभएको थियो ।

२०८२ साउन ०९, काठमाडौं