प्रदेशस्तरीय सुरक्षा गोष्ठीमा सहभागी हुन् गृहमन्त्री, पुगे सुर्खेत

गृहमन्त्री ओम प्रकाश अर्याल मंगलबार   बुद्ध एयरको विमानमार्फत  १३ सदस्यीय टोलीसहित  सुर्खेत पुग्नु भएको छ  ।

अर्याल बुधबार (पुस ९) वीरेन्द्रनगर सुर्खेतमा आयोजना हुने कर्णाली प्रदेशस्तरीय सुरक्षा गोष्ठीमा भाग लिन सुर्खेत पुगेका जिल्ला प्रहरी कार्यालय सुर्खेतका सूचना अधिकारी दीपेन्द्र मगराठीले जानकारी दिनु भएको थियो  ।

उक्त कार्यक्रममा   बुधबार वीरेन्द्रनगरको शुभ होटलमा आयोजना हुने उच्चस्तरीय सुरक्षा व्यवस्थापन समितिको बैठकमा आफूसँगै नेपाल प्रहरीका महानिरीक्षक (आईजीपी) दानबहादुर कार्की, सशस्त्र प्रहरी अतिरिक्त महानिरीक्षक (एआईजी) राजु अर्याल र नेपाली सेनाका रथी गणेशकुमार श्रेष्ठसहित    १० वटै जिल्लाका जिल्ला प्रहरी कार्यालय प्रमुख, प्रमुख जिल्ला अधिकारीको सहभागिता रहने बताउनु भएको हो ।