रोटरी क्लव अफ नार्गाजुनद्वारा उपत्यका ट्राफिक प्रहरीलाई कम्प्युटर तथा प्रिन्टर सहयोग

काठमाडौं । रोटरी क्लव अफ नार्गाजुनले आफ्नो २२औँ स्थापना दिवसको अवसर पारेर उपत्यका ट्राफिक प्रहरी कार्यालयलाई सूचना प्रविधि सामग्री सहयोग गरेको छ।

क्लवले ट्राफिक व्यवस्थापनलाई थप प्रभावकारी बनाउन तीन थान उच्च गुणस्तरका कम्प्युटर र एक थान प्रिन्टर हस्तान्तरण गरेको हो।

रोटरी डिस्ट्रिक ३२९२ का डिस्ट्रिक गभर्नर विनोद कोइरालाले क्लवको तर्फबाट उपत्यका ट्राफिक प्रहरी कार्यालयका प्रहरी वरिष्ठ उपरीक्षक नवराज अधिकारीलाई उक्त सामग्री औपचारिक रूपमा हस्तान्तरण गरेका हुन् ।

सहयोग ग्रहण गर्दै प्रहरी वरिष्ठ उपरीक्षक अधिकारीले रोटरीलगायत विभिन्न सामाजिक संघ–संस्थाहरूको सहयोगले ट्राफिक प्रहरीको सेवा प्रवाह सुदृढ हुँदै आएको बताएका छन् ।

उनले ट्राफिक प्रहरीको पोसाक, भवन निर्माणदेखि भौतिक पूर्वाधार विकासमा सामाजिक संस्थाहरूको योगदान उल्लेखनीय रहेको धारणा पनि व्यक्त गरेका हुन् ।

कार्यक्रमले सार्वजनिक–निजी सहकार्यबाट सार्वजनिक सेवा प्रवाह अझ प्रभावकारी बनाउन सकिने सन्देश दिएको सहभागीहरूले बताएका छन्।