सहिद परिवार र वृद्धवृद्धालाई राहत वितरणमा ,(माओवादी) नेता शाही

काठमाडौं । नेपाल कम्युनिस्ट पार्टी (माओवादी)का केन्द्रीय सदस्य धनराज शाही (डिआर)ले तिलागुफा नगरपालिका–६, जुफिथा गाउँमा सहिद परिवार र वृद्धवृद्धालाई न्यानो कपडा र राहत सामाग्री वितरण गरेका छन् ।

मंगलबार आयोजित कार्यक्रममा शाहीले गाउँका १२ जना सहिद परिवार र १४ जना वृद्धवृद्धालाई जाडोमा उपयोगी हुने जकेट, टोपी मख्लर र पन्जा सहित ७० हजार रुपैयाँ बराबरको कपडा वितरण गरे ।

त्यसैगरी, गाउँको सार्वजनिक स्थलमा फोहर व्यवस्थापनका लागि ३० हजार बराबरको डस्मिन समेत उपलब्ध गराइएको हो।

शाहीले राहत वितरणको उद्देश्य जाडो मौसममा सहिद परिवार र असहायलाई थोरै भए पनि सहयोग पु¥याउनु रहेको बताए।यस अवसरमा गाउँका वडाध्यक्ष, स्थानीय प्रतिनिधि र वासिन्दाहरूको पनि उपस्थित रहेको छ ।

उनले नेकपा (माओवादी) र आफ्नो कार्यशैली सधैं दुखी र असहायको साथमा रहेको भन्दै, आगामी दिनमा यस्ता सामाजिक सहयोग निरन्तर जारी रहने प्रतिबद्धता व्यक्त गरेका छन् ।

राहत सामाग्री काठमाडौंका व्यवसायी र सहयोगी मनहरूबाट प्राप्त भएको जानकारी पनि दिए।सहिद परिवार र वृद्धवृद्धाले जाडोमा सहयोग गर्ने शाहीको पहलप्रति आभार व्यक्त गर्दै धन्यवाद व्यक्त गरेछन् ।

गाउँवासीले आगामी प्रतिनिधि सभा निर्वाचनका लागि काठमाडौं क्षेत्र नं. १ बाट उम्मेदवारको रूपमा सिफारिस भएकोमा शुभकामना व्यक्त गर्दै विजयीको कामना पनि गरेका हुन् ।

उक्त कार्यक्रमको सहजीकरण नेकपा (माओवादी) का केन्द्रीय सदस्य रमेश सीले गरेका छन् ।

शाहीको पहलले जाडो मौसममा असहाय र पीडितको जीवनमा राहत पुगेको छ।स्थानीयवासीले यस कदमको स्वागत गर्दै, आगामी दिनमा पनि यस्ता सामाजिक सहयोग जारी रहने अपेक्षा व्यक्त गरेका छन्।