सानेपामा कांग्रेस कार्यालय अगाडि तनाव, विमलेन्द्र निधिलाई प्रवेशमा अवरोध

काठमाडौं । नेपाली कांग्रेसको केन्द्रीय कार्यालय सानेपाबाहिर तनावपूर्ण स्थिति सिर्जना भएको छ।

पार्टीका पूर्वउपसभापति विमलेन्द्र निधि पार्टी कार्यालय प्रवेश गर्न खोज्दा अवरोध भएपछि धकेलाधकेलसमेत भएको हो।

निधिसहितको समूह कुनै पनि हालतमा विशेष महाधिवेशन हुन नहुने अडानमा रहेको बताइएको छ। प्रवेशद्वारमा अवरोध भएपछि निधिसहितका नेताहरू वैकल्पिक बाटो प्रयोग गर्दै पार्टी कार्यालय परिसरमा प्रवेश गरेका छन्।

अवरोध गर्ने व्यक्तितर्फ इंगित गर्दै निधिले ‘त्यो मान्छे कांग्रेसी होइन’ भन्दै कडा प्रतिक्रिया जनाएका छन्। घटनापछि सानेपा क्षेत्रको सुरक्षा सतर्कता बढाइएको

यश घटनाले नेपाली कांग्रेसभित्र विशेष महाधिवेशनलाई लिएर मतभेद गहिरिँदै गएको संकेत गर्छ।
नेतृत्व तहकै नेतामाथि प्रवेशमै अवरोध र धकेलाधकेल हुनुले पार्टीभित्रको आन्तरिक असन्तोष सडकस्तरसम्म पुगेको देखिएको छ।

यस्तो अवस्था चाँडै सम्बोधन नगरे पार्टीको संगठनात्मक एकता र सार्वजनिक छविमा नकारात्मक असर पर्ने स्पष्ट देखिन्छ।