सुन–चाँदीमा ठूलो गिरावट, तोलाको मूल्यमा एकैदिन हजारौँले कमी

काठमाडौं । नेपाली बजारमा सुनचाँदीको मूल्यमा उल्लेख्य गिरावट आएको छ।

आइतबार सुनको मूल्य तोलामा १८ हजार ८०० रुपैयाँले घटेपछि एक तोला सुनको भाउ ३ लाख रुपैयाँमा पुगेको हो ।

नेपाल सुन–चाँदी व्यवसायी महासंघका अनुसार अघिल्लो कारोबार दिन शुक्रबार सुन तोलाको ३ लाख १८ हजार ८०० रुपैयाँमा कारोबार भएको हो। मूल्य घटेसँगै आज सुन पुनः ३ लाखको आसपासमा आइपुगेको छ ।

यसअघि माघ १५ गते सुनको मूल्य तोलामा ३ लाख ३९ हजार ३०० रुपैयाँ पुगेर हालसम्मकै उच्च रेकर्ड कायम भएको हो।

यता चाँदीको मूल्यमा पनि तीव्र गिरावट देखिएको छ। यसदिन चाँदी तोलामा १ हजार ६५ रुपैयाँले घटेर ५ हजार ५०० रुपैयाँ कायम भएको महासंघले जनाएको छ।

शुक्रबार चाँदी तोलाको ७ हजार ६५ रुपैयाँमा किनबेच भइरहेको तर अन्तर्राष्ट्रिय बजारको उतारचढाव र मागमा आएको परिवर्तनका कारण सुनचाँदीको मूल्यमा यस्तो गिरावट आएको विश्लेषण गरिएको छ।

आगामी दिनमा मूल्य कस्तो रहने भन्ने विषयमा लगानीकर्ता र उपभोक्ताको चासो बढेको छ।