झापाको मतदाता संख्या सात लाख पार, क्षेत्र नम्बर ५ केन्द्रबिन्दुमा

काठमाडौं । झापाका पाँचवटा निर्वाचन क्षेत्रमध्ये सबैभन्दा बढी मतदाता क्षेत्र नम्बर ५ मा रहेका छन्।

जिल्ला निर्वाचन कार्यालयका प्रमुख तुलसी नेपालका अनुसार यसपटक थपिएका ५० हजार नयाँ मतदातासहित जिल्लामा ७ लाख १३ हजार ५३७ मतदाता छन्।

क्षेत्र नम्बर ५ मा मात्र ८१ हजार ८१ पुरुष, ८२ हजार २९६ महिला र अन्य दुई मतदाता रहेका छन्। यस क्षेत्रमा ६१ मतदानस्थल र १८५ मतदान केन्द्र छन्।

क्षेत्र नम्बर ४ मा ६६ हजार २८३ पुरुष, ६४ हजार ४२८ महिला र अन्य १ मतदाता, क्षेत्र नम्बर ३ मा ७१ हजार १७४ पुरुष, ६९ हजार ६८३ महिला, क्षेत्र नम्बर २ मा ७३ हजार ९५० पुरुष, ७३ हजार ५६७ महिला र अन्य ५ मतदाता, र क्षेत्र नम्बर १ मा ६५ हजार ८५८ पुरुष, ६५ हजार २०९ महिला रहेका छन्।

मतदानस्थल र केन्द्रको विवरण अनुसार, सबै क्षेत्रमा मतदान प्रक्रिया सहज र व्यवस्थित रूपमा सञ्चालन हुने तयारी भएको छ।

झापाको जनसङ्ख्या र मतदाता संख्या हेर्दा आगामी निर्वाचन अझ प्रतिस्पर्धात्मक हुने देखिन्छ।