गाई खाने’ अभिव्यक्तिविरुद्ध कञ्चनपुरमा आक्रोश , खगेन्द्र सुनारको महाकाली नदीको भुजेला आर्यघाटमा पुत्ला दहन

काठमाडौं । गाईखान पाइन्छ भन्ने अभिव्यक्ति दिएका राष्ट्रिय स्वतन्त्र पार्टी (रास्वपा) का नेता खगेन्द्र सुनारविरुद्ध कञ्चनपुरमा विरोध गरेका छन् ।

भीमदत्त नगरपालिका–११ स्थित महाकाली नदी किनारमा रहेको भुजेला आर्यघाटमा स्थानीय युवाहरूले आक्रोश व्यक्त गर्दै खगेन्द्र सुनारको पुतला दहन गरी बगाएका हुन्। प्रदर्शनमा उत्रिएका युवाहरूले सुनारको अभिव्यक्तिलाई आपत्तिजनक र सामाजिक सद्भाव भड्काउने खालको भन्दै कडा विरोध जनाएका छन्।

स्थानीयका अनुसार उक्त अभिव्यक्तिले धार्मिक तथा सांस्कृतिक भावना आहत भएको भन्दै तत्काल सार्वजनिक रूपमा माफी माग्नुपर्ने माग गरिएको छ। घटनास्थलमा केहीबेर नाराबाजीसमेत गरिएयो भने , तनाव पूर्ण अवस्थालाई नियन्त्रणमा राख्न सुरक्षाकर्मीहरू पनि तैनाथ गरिएको हो।

अब प्रश्न उठेको छ— एक जिम्मेवार राजनीतिक दलका नेताबाट आएको अभिव्यक्तिले कस्तो सन्देश दिन्छ ? र यसबारे पार्टीको आधिकारिक धारणा के आउँछ ? यस विषयमा थप विवरण संकलन भइरहेको छ।