दुःखद खबर: डोटीमा जिप दुर्घटना, दुई युवाको मृत्यु

काठमाडौं । डोटीको आदर्श गाउँपालिका–६ गिरिचौकास्थित तेल्पारा क्षेत्रमा जिप दुर्घटना हुँदा दुई युवाको मृत्यु भएको छ।

गएराति करिब साढे १२ बजे गिरीचोकबाट काँडीस्याउलेतर्फ जाँदै गरेको सु.प.प्र ०१–००१ च ३९२३ नम्बरको बोलेरो जीप घुम्तीबाट खसेर दुर्घटना भएको हो।

दुर्घटनामा सुरेन्द्र रोकायाका २२ वर्षीय छोरा सुबोध रोकाया र १९ वर्षीय कैलाश विकको मृत्यु भएको मंगलबार नजीकको प्रहरी प्रशासनले जनाइएको छ।

दुर्घटनाबारे थप अनुसन्धान भइरहेको छ भने घटनाले स्थानीय क्षेत्रमा शोकको वातावरण सिर्जना गरेको छ।

यस दुखद घटनाले समुदायलाई गहिरो शोकमा डुबाएको छ भने, स्थानीयले मृतकप्रति भावपूर्ण श्रद्धाञ्जली तथा शोकाकुल परिवारजनप्रति हार्दिक समवेदना व्यक्त गरेका छन् ।