क्यानडाविरुद्ध नेपालका कप्तान दीपेन्द्र

काठमाडौं । आइसीसी टी–२० विश्वकप अगाडिको अन्तिम अभ्यास खेलमा नेपालले आज क्यानडासँग प्रतिस्पर्धा गर्दैछ।

चेन्नईस्थित एमए चिदम्बरम मैदानमा हुने यो खेल नेपाली समयअनुसार दिउँसो सवा १ बजे सुरु हुनेछ। यस खेलमा नेपालका नियमित कप्तान रोहित पौडेल टोलीमा रहने छैनन्।

रोहित मुम्बईमा आयोजित विश्वकप टिम क्याप्टेन्स मिटमा सहभागी हुन गएकाले क्यानडाविरुद्धको खेलको कप्तानीको जिम्मेवारी दीपेन्द्र सिंह ऐरीले सम्हाल्ने भएका छन्।

यसअघि नेपालले आफ्नो पहिलो अभ्यास खेलमा संयुक्त अरब इमिरेट्स (यूएई)लाई सात विकेटले पराजित गर्दै आत्मविश्वास बढाएको हो।। क्यानडाविरुद्धको खेललाई विश्वकप तयारीको महत्वपूर्ण अवसरका रूपमा हेरिएको छ।

विश्वकप नजिकिँदै गर्दा दीपेन्द्रको कप्तानीमा नेपालले क्यानडाविरुद्ध कस्तो प्रदर्शन गर्छ भन्ने विषयमा समर्थकको चासो बढेको
छ।