अस्वस्थ भएपछि बालेन सुर्खेतबाट काठमाडौं फिर्ता

काठमाडौं । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) स्वास्थ्यमा समस्या देखिएपछि काठमाडौं फर्किएका छन्।

पार्टी स्रोतका अनुसार बिहीबार बेलुका सुर्खेतमा रहेका बेला अचानक असहज महसुस भएपछि उनी हवाईमार्गबाट राजधानी फर्किएका हुन्। स्वास्थ्य अवस्थाका कारण उनले दाङको कार्यक्रम स्थगित गरेका छन्।

घोराहीमा आज आयोजना हुने आमसभामा रास्वपाका सभापति रवि लामिछानेसँगै बालेनले सम्बोधन गर्ने पूर्वनिर्धारित कार्यक्रम थियो । तर, स्वास्थ्यमा समस्या आएपछि उनी कार्यक्रममा सहभागी हुन नसक्ने पार्टीले जानकारी गराएको छ।

हाल उनको स्वास्थ्य अवस्था सामान्य रहेको र चिकित्सकीय निगरानीमा विश्राम गरिरहेको बताइएको छ।