गोलबजारमा रवि लामिछानेको भव्य स्वागत, परिवर्तनको नाराले तात्यो बजार

काठमाडौं । सिरहाको गोलबजारमा राष्ट्रिय स्वतन्त्र पार्टी (रास्वपा)का सभापति रवि लामिछानेको आगमनसँगै क्षेत्रको माहोल उत्साहपूर्ण बनेको छ।

बुधबार हजारौं समर्थकहरू झण्डा र नारासहित सडकमा उत्रिँदा गोलबजार चोकदेखि कार्यक्रम स्थलसम्म जनलहर देखिएको छ । युवादेखि ज्येष्ठ नागरिकसम्मको बाक्लो सहभागिताले कार्यक्रमलाई थप ऊर्जा दिएको हो। स्थानीय बासिन्दाले फूलमाला र खादा लगाएर लामिछानेलाई स्वागत गरेका हुन् ।

आज कार्यक्रमलाई सम्बोधन गर्दै उनले देशमा सुशासन, पारदर्शिता र दिगो विकासका लागि आफ्नो पार्टी प्रतिबद्ध रहेको दोहोर्‍याए। परिवर्तनका लागि नागरिकको सक्रिय साथ अपरिहार्य रहेको उल्लेख गर्दै उनले सिरहावासीप्रति आभार व्यक्त गरे।

स्थानीय नेताहरूले अबको राजनीति काम र परिणाममुखी हुनुपर्नेमा जोड दिए। गोलबजारमा आयोजित उक्त कार्यक्रमलाई मधेश क्षेत्रमा रास्वपाको बढ्दो प्रभावका रूपमा समेत हेरिएको छ।

यससँगै गोलबजारमा परिवर्तनको आवाज थप बुलन्द भएको राजनीतिक वृत्तमा चर्चा गरिएको छ।