पूर्व सांसद वसन्तीदेवी यादवसँगै २३८ नेता–कार्यकर्ता रास्वपा प्रवेश

काठमाडौं । राष्ट्रिय स्वतन्त्र पार्टी (रास्वपा) ले मोरङ क्षेत्र नं.–५ मा आफ्नो राजनीतिक प्रभाव बढाएको छ।

पूर्व सांसद र नेकपा (एमाले) की वरिष्ठ नेतृ वसन्तीदेवी यादव बिहिवार रास्वपामा प्रवेश गरेकी हुन्। उनीसँगै जनमत पार्टीका केन्द्रीय सदस्य बुलबुल यादवसहित २३८ जना नेता–कार्यकर्ताले पनि पार्टीमा प्रवेश गरेका छन्।

रास्वपा मोरङ–५ की प्रतिनिधिसभा उम्मेदवार आशा झालेले नयाँ सदस्यतासहित यादवलाई पार्टीमा स्वागत गरे। कार्यक्रममा वसन्तीदेवीले देशमा नयाँ राजनीतिक विकल्पको आवश्यकता औंल्याउँदै रास्वपा रोजेको बताइन्। उनले भनिन्, “जनताले पारदर्शी र जवाफदेही नेतृत्व खोजिरहेका छन्।”

स्थानीय नेताहरूको अनुसार पछिल्लो प्रवेशले स्थानीय राजनीतिक समीकरणमा परिवर्तन ल्याउने सम्भावना बढाएको छ। विभिन्न दलबाट भइरहेको समर्थनले आगामी निर्वाचनमा पार्टीको संभावना थप बलियो बनेको पनि उनीहरूले बताएका छन्।