निर्वाचन आयोगको चेतावनी: नगद चलखेल भए उम्मेदवारी खारेज, ६ वर्ष प्रतिबन्ध

काठमाडौं । निर्वाचन आयोगले चुनावी आचारसंहिता उल्लंघनमा ‘शून्य सहनशीलता’ नीति अपनाउने चेतावनी दिएको छ।

आयोगका कार्यवाहक प्रमुख रामप्रसाद भण्डारीले आइतबार आयोजित कार्यक्रममा स्पष्ट पार्दै भने, “यदि कसैले नगद चलखेल गरेको वा चुनावी सामग्री र रकमको झोला एकै ठाउँमा बोकेर हिँडेको प्रमाण भेटियो भने, उम्मेदवारी खारेज मात्र होइन, अर्को ६ वर्षसम्म निर्वाचनमा भाग लिन प्रतिबन्ध लगाइनेछ।

यो राजनीतिक व्यक्तिका लागि सबैभन्दा ठूलो सजाय हो।” उनीले थपे, हालसम्म देशभरबाट करिब १ हजार १ सय उजुरी आचारसंहिता उल्लंघनको रिपोर्ट भएका छन्। तीमध्ये धेरै स्थानीय तहमा समाधान भइसकेका हुन् ।

आयोगले २५–३० वटा गम्भीर उजुरीमा केन्द्रिय स्तरबाट कारबाही गरिसकेको छ र केही मुद्दा अदालतमा पनि पुगेको छ। भण्डारीले भने, आयोग कुनै दबाबमा नपरी कानून बमोजिम काम गर्ने दृढ छ र सबै उम्मेदवारले चुनावी नियमको पालना गर्नुपर्ने उनको दाबी छ।

यस कदमले आगामी चुनाव पारदर्शी र निष्पक्ष बनाउन महत्त्वपूर्ण भूमिका खेल्ने देखिन्छ ।