सिनामंगलबाट बालेन्द्र शाहले गरे मतदान

काठमाडौं । राष्ट्रिय स्वतन्त्र पार्टीका वरिष्ठ नेता बालेन्द्र शाहले काठमाडौंको सिनामंगलस्थित अन्नपूर्ण इंग्लिस स्कुलमा रहेको मतदान केन्द्रबाट आफ्नो मत खसालेका छन्।

बिहीबार बिहान मतदान केन्द्रमा पुगेर उनले प्रतिनिधिसभा निर्वाचनअन्तर्गत आफ्नो मताधिकार प्रयोग गरेका हुन्। उनको उम्मेदवारी झापा क्षेत्र न ५ बाट रहेको छ, जहाँ उनी नेकपा एमालेका अध्यक्ष केपी शर्मा ओलीसँग प्रत्यक्ष प्रतिस्पर्धा गर्नेछन्। मतदानका क्रममा उक्त केन्द्रमा मतदाताहरूको उल्लेखनीय उपस्थिति देखिएको छ ।

देशभर आज प्रतिनिधिसभा निर्वाचनअन्तर्गत मतदान जारी रहेको छ। विभिन्न स्थानका मतदान केन्द्रहरूमा मतदाताहरू बिहानैदेखि उपस्थित भई शान्तिपूर्ण वातावरणमा मतदान गरिरहेका छन्।

निर्वाचनलाई सुरक्षित र व्यवस्थित बनाउन सुरक्षा निकायहरू समेत परिचालन गरिएका छन् भने देशभर मतदान प्रक्रिया शान्तिपूर्ण रूपमा अघि बढिरहेको प्रशासन ले जानकारी दिएको छ।