बैतडीमा ३०.८९ प्रतिशत मतदान

काठमाडौं । प्रतिनिधि सभा सदस्य निर्वाचन अन्तर्गत बैतडीमा बिहीबार बिहान ७ बजेदेखि सुरु भएको मतदान शान्तिपूर्ण रूपमा जारी रहेको छ।

जिल्ला निर्वाचन कार्यालयका अनुसार दिउँसो ०२ बजेसम्म ४८ हजार ५१५ मत खसेको छ। तीमध्ये २३ हजार २१४ पुरुष, २५ हजार ३०० महिला तथा १ अन्य मतदाता रहेका छन्।

मतदान सुरु भएको करिब ८ घण्टाको अवधिमा जिल्लामा ३०.८९ प्रतिशत मतदाताले आफ्नो मताधिकार प्रयोग गरिसकेको जनाइएको छ।

जिल्लाभरका सबै मतदान केन्द्रमा मतदान प्रक्रिया सुचारु रहेको र शान्त वातावरणमा मतदान भइरहेको प्रशासनले जानकारी दिएको छ ।

निर्वाचन कार्यक्रमअनुसार साँझ ५ बजेसम्म मतदान जारी रहने छ। बैतडीमा मतदान शान्तिपूर्ण रूपमा चलिरहेको छ ।