चितवन–३ मा रास्वपाकी सोविता गौतमको अग्रता कायमै, मतान्तर झन् फराकिलो

काठमाडौं । प्रतिनिधिसभा सदस्य निर्वाचनअन्तर्गत चितवन निर्वाचन क्षेत्र नं. ३ मा राष्ट्रिय स्वतन्त्र पार्टी (रास्वपा) की उम्मेदवार सोविता गौतमले आफ्नो अग्रता थप मजबुत बनाएकी छन्।

हालसम्म १३ हजार ४५ मत गणना भइसकेको अवस्थामा गौतमले ९ हजार ८७९ मत प्राप्त गर्दै पहिलो स्थानमा रहेकी छन्।उनकी निकटतम प्रतिस्पर्धी नेपाल कम्युनिस्ट पार्टी (माओवादी केन्द्र) की रेनु दाहालले ५ हजार २५६ मत पाएकी छन्।

त्यस्तै नेकपा एमालेका शंकर थपलियाले १ हजार ४६५ मत प्राप्त गर्दा नेपाली कांग्रेसका टेकप्रसाद गुरुङले १ हजार २२ मत ल्याएका छन्।

चितवन–३ मा मतगणना जारी रहेकाले आगामी परिणामले प्रतिस्पर्धा अझ स्पष्ट हुने निर्वाचन अधिकृतको कार्यालयले जानकारी दिएको छ।

मतगणना अघि बढ्दै जाँदा सोविता गौतमले मतान्तर विस्तार गर्दै लगेकी छन् भने अन्य उम्मेदवारहरू उनलाई पछ्याइरहेका छन्।