युवालाई देशमै रोक्ने वातावरण बनाउनुपर्छ : मन्त्री घिसिङ

काठमाडौं । ऊर्जा, जलस्रोत, शहरी तथा भौतिक पूर्वाधारमन्त्री कुलमान घिसिङले नेपालमै उत्पादन र रोजगारीको वातावरण सिर्जना गर्न सके युवाहरूको विदेश पलायन रोकिने बताएका छन् ।

मन्त्री घिसिङले, ‘नेपालमा सम्भावना र स्रोत प्रशस्त रहेको उल्लेख गर्दै सही नीति र वातावरण बने देशमै अवसर सिर्जना गर्न सकिने तथा उत्पादन हुने लोकल सामग्री प्रयोग गरी घर निर्माण गर्न सके अनुसन्धान, सीप र पूँजी देशमै रहने भन्दै आफ्नो धारणा राखेका छन् ।’

सरकारले नेपालमै घर र सवारीसाधन उत्पादन तथा जोड्न सक्ने वातावरण तयार गर्न सके युवाहरू विदेश जानुपर्ने अवस्था नआउने उनको भनाइ थियो ।

मन्त्री घिसिङले भन्ने , ‘ नेपाली युवाको सपना सानो घर, साधारण गाडी, शिक्षा र स्वास्थ्य सेवा रहेको उल्लेख गर्दै त्यसका लागि राज्यले आधारभूत नीतिका रूपमा सहुलियत ऋण र सुविधा प्रदान गर्नुपर्ने आवश्यकता औँल्याए। सरकारले यस्तो वातावरण निर्माण गर्न सके अधिकांश युवाहरू नेपालमै बस्न इच्छुक हुन्छन् ।’

आगामी निर्वाचनप्रति संकेत गर्दै उनले देश निर्माणका लागि सक्षम र जिम्मेवार नेतृत्व आवश्यक रहेको बताए छन् । सही व्यक्ति नेतृत्वमा नआएसम्म विकास, समृद्धि र सुशासनका विषय ओझेलमा पर्ने भन्दै उनले चुनावमा डेलिभरी दिन सक्ने नेतृत्व छानेर पठाउन नागरिकलाई आग्रह गरे।