भेनेजुएलाको सर्वोच्च अदालतको आदेश – रोड्रिगेजलाई अन्तरिम राष्ट्रपतिको जिम्मेवारी

काठमाडौं । राजनीतिक अन्योल र संवैधानिक बहसका बीच भेनेजुएलाको सर्वोच्च अदालतले राष्ट्रपतिको जिम्मेवारीसम्बन्धी महत्त्वपूर्ण आदेश दिएको छ।

राष्ट्रपति निकोलस मादुरो अनुपस्थित रहेको अवस्थामा उपराष्ट्रपति डेल्सी रोड्रिगेजले अन्तरिम राष्ट्रपतिको भूमिका निर्वाह गर्ने अदालतको फैसला आएको हो।

अन्तर्राष्ट्रिय समाचार संस्था रोयटर्सका अनुसार प्रशासनिक निरन्तरता कायम राख्न, राज्य संयन्त्रलाई चलायमान राख्न र देशको सार्वभौमिकताको रक्षा गर्न यो निर्णय अपरिहार्य रहेको अदालतले जनाएको छ।

अदालतले राष्ट्रपतिको जबर्जस्ती पक्राउ जस्ता असाधारण अवस्थाहरूमा देश सञ्चालनका लागि कुन कानुनी रूपरेखा लागू हुने भन्ने विषयमा थप छलफल आवश्यक रहेको संकेतसमेत गरेको छ।

यो आदेशलाई भेनेजुएलाको वर्तमान राजनीतिक संकटमा संवैधानिक स्थिरता खोज्ने प्रयासका रूपमा हेरिएको छ।