शंकरापुरमा बस दुर्घटना, घाइतेको उद्धार जारी

काठमाडौं । काठमाडौंको शंकरापुर नगरपालिका–४ स्थित जहरसिंह पौवा जाने बाटोमा यात्रुबाहक बस दुर्घटनामा परेको छ।

केहीबेर अघि भएको दुर्घटनामा बस सडकबाट करिब ६० देखि ७० मिटर तल खसेको स्थानीयले जानकारी दिएका छन् । दुर्घटनालगत्तै स्थानीयवासी र सुरक्षाकर्मीको सहयोगमा घाइतेहरूको उद्धार कार्य सुरु गरिएको छ।

घाइतेहरूलाई एम्बुलेन्समार्फत उपचारका लागि विभिन्न अस्पतालतर्फ पठाइँदै छ। हालसम्म घाइतेको संख्या र अन्य क्षतिको विवरण खुल्न सकेको छैन।

दुर्घटनाको कारणबारे अनुसन्धान भइरहेको प्रहरीले जनाएको छ। घटनाबारे थप विवरण आउन बाँकी छ।