देशको चुनौती सामना गर्न नयाँ दृष्टिकोण अपरिहार्य :प्रचण्ड

काठमाडौं । नेकपा संयोजक पुष्पकमल दाहाल ‘प्रचण्ड’ले मुलुक अहिले असाधारण राजनीतिक परिस्थितिबाट गुज्रिरहेको र केवल पुराना तरिकाले मात्र समस्या समाधान गर्न नसकिने बताएका छन्।

पार्टी केन्द्रीय कार्यालय, पेरिसडाँडामा मंगलबार आयोजित केन्द्रीय सदस्यहरूको शपथग्रहण समारोहमा उनले वर्तमान संकटको सामना गर्न नयाँ विचार, कार्यक्रम र पहल कदम आवश्यक रहेको बताए।

उनले भने, सबै राजनीतिक दलहरूले विगतका कमजोरीको समीक्षा गरेर सुधार गर्नुपर्ने जरुरी छ। नेकपाले पनि आफ्ना कमजोरी पहिचान गरी सुधारको दिशामा अघि बढ्ने निर्णय गरेको प्रचण्डले जानकारी दिए।

‘हामीले आफ्नो कमीको मूल्यांकन गर्यौं र अब तिनी सुधारेर नयाँ दिशामा अघि बढ्ने निर्णय गर्यौं,’ प्रचण्डले स्पष्ट पारे।
मुलुकले भोगिरहेको कठिन परिस्थितिमा राष्ट्रिय एकता सुदृढ गर्नु र स्वतन्त्रता सुनिश्चित गर्नु अपरिहार्य भएको भन्दै पार्टी एकता प्रक्रियालाई यसै उद्देश्यले अघि बढाइएको उनको भनाइ छ ।

नेपाली  कम्युनिस्ट  पार्टी (नेकपा)का संयाेजक प्रचण्डले मुलुकको चुनौती सामना गर्न नयाँ सोच र सहकार्य आवश्यक भएको र नेकपाले त्यसैअनुरुप अघि बढ्ने जानकारी गराएका हुन् ।

उनले विगतका कमजोरी सुधार गर्दै राष्ट्रिय एकता र स्वाधीनतालाई सुदृढ बनाउने समेत जोड दिएका छन्।