शुक्रबार दुवै सदनलाई राष्ट्रपति पौडेलको सम्बोधन तय

काठमाडौं। राष्ट्रपति रामचन्द्र पौडेल ले आगामी शुक्रबार (चैत २७) प्रतिनिधिसभा र राष्ट्रियसभाको संयुक्त बैठकलाई सम्बोधन गर्ने भएका छन्।

बुधबार राष्ट्रपति कार्यालय स्रोतका अनुसार सम्बोधनका लागि संसद् सचिवालयलाई औपचारिक पत्र पठाइएको छ। संसद् सचिवालयले यसबारे छिट्टै सूचना प्रकाशित गर्ने तयारी गरेको जानकारी गराएको छ।

संवैधानिक व्यवस्था अनुसार राष्ट्रपतिले नयाँ अधिवेशन वा विशेष परिस्थितिमा संसद्लाई सम्बोधन गर्ने प्रचलन रहेको छ।

यसैगरी शुक्रबारको सम्बोधनमा देशको राजनीतिक तथा समसामयिक अवस्थाबारे महत्वपूर्ण सन्देश आउने अपेक्षा गरिएको छ।