रास्वपा संसदीय दलको बैठक आज बस्दै, उपसभामुख निर्वाचन एजेन्डामा

काठमाडौं। राष्ट्रिय स्वतन्त्र पार्टी (रास्वपा) को संसदीय दलको बैठक आज बस्ने भएको छ।

सिंहदरबारस्थित संसदीय दलको कार्यालयमा दिउँसो १ बजेका लागि बैठक बोलाइएको हो।

बैठकमा विशेषगरी उपसभामुखको निर्वाचन सम्बन्धी विषयमा छलफल हुने बताइएको छ। साथै, अन्य समसामयिक विषयहरू पनि ‘विविध’ शीर्षक अन्तर्गत उठाइने कार्यक्रम रहेको छ।

पार्टीले बैठकमा सहभागी हुन सम्बन्धित सदस्यहरूलाई अनुरोध समेत गरेको छ।