संसदमै हर्क साम्पाङको कटाक्ष–प्रधानमन्त्री संसदको सदस्य हुन् कि होइनन् ?

काठमाडौं। हर्क साम्पाङले प्रतिनिधिसभा बैठकमा प्रधानमन्त्री वालेन्द्र शाह बालेनको अनुपस्थितिलाई लिएर कडा प्रश्न उठाएका छन्।

बिहीबार बसेको संसद बैठकमा उनले प्रधानमन्त्री नियमित रूपमा सदनमा उपस्थित नभएको भन्दै आपत्ति जनाए। साम्पाङले संसद नियमावलीअनुसार मन्त्रीले तोकिएको समयभित्र जवाफ दिनुपर्ने व्यवस्था रहेको उल्लेख गर्दै प्रधानमन्त्री संसदप्रति जिम्मेवार हुनुपर्ने बताए।

गृह मन्त्रालयको जिम्मेवारी पनि प्रधानमन्त्री आफैंसँग रहेकाले सुकुम्बासी समस्या लगायतका विषयमा प्रत्यक्ष जवाफ दिनुपर्ने उनको धारणा रहेको छ। त्यस्तै साम्पाङले संसदको गरिमा कायम राख्न नेतृत्वले आफ्नो दायित्व पूरा गर्नुपर्ने उल्लेख गर्दै जिम्मेवारी निर्वाह गर्न नसके मार्ग खुला गरिदिनु उपयुक्त हुने टिप्पणी गरे।

संसद बैठकमा उठेको यो अभिव्यक्तिपछि प्रधानमन्त्रीको उपस्थिती र जवाफदेहिताबारे राजनीतिक वृत्तमा नयाँ बहस सुरु भएको छ।