रास्वपा सभापति लामिछानेको ओलीप्रति कटाक्ष: जलेको पैसा ‘एआई’ भनिएको छानबिन र भ्रष्टाचार अन्त्य अपरिहार्य

काठमाडौं । राष्ट्रिय स्वतन्त्र पार्टी (रास्वपा)का सभापति रबि लामिछानेले प्रधानमन्त्री केपी शर्मा ओलीप्रति कटाक्ष गर्दै देउवाको घरमा जलेको पैसालाई ‘एआई’ भनिएको विषयमा टिप्पणी गरेका छन्।

चुनावी प्रचारप्रसारका क्रममा आइतबार उनले, “जलेको पैसा एआई हो कि होइन, यसको छानबिन रास्वपा नै गर्नेछ। हामी प्रतिसोध त लिदैनौँ, तर जनता र देशलाई ठगेको, लुटेको र विदेशमा जम्मा गरेको सम्पत्ति सबैको हिसाब हुनुपर्छ।”

लामिछानेले थपे, “आज आफ्नो बुवालाई राम्रो जुत्ता लगाइदिन, परिवारको खुशीका लागि हाम्रा भाइहरू अरबमा पसिना बगाइरहेका छन्, त्यो पसिनाको हिसाब पनि हुन्छ।

रुवाउँदै रुवाउँदै जनता लखेटेको हिसाब पनि हुन्छ। सबै भ्रष्टाचारको हिसाब हुन्छ। २१ गते मतपत्रमा घण्टीमा छाप लगाएर नयाँ इतिहास लेख्नुहोस्”, भनेर जनतालाई आग्रह समेत गरेका छन् ।

उनको यस अपिलसँगै आगामी निर्वाचनको राजनीतिक माहोल थप सक्रिय बनेको छ र जनताको निर्णायक भूमिका रहने अपेक्षा गरिएको छ।