मोरङमा बसको ठक्करबाट साइकल यात्रीको मृत्यु

काठमाडौं । माेरङकाे खेरुवा सडकमा मंगलबार बिहान भएको दुर्घटनामा ५४ वर्षीय साइकलयात्री योगेन्द्र थापा घाइते भएका थिए, उनको न्यूरो अस्पताल विराटनगरमा उपचारका क्रममा मृत्यु भएको छ।

लेटाङ नगरपालिका ५ खेरुवास्थित सडकमा लेटाङतर्फ आउँदै गरेको प्र १ ०१ ००१ ख ४७०७ नम्बरको बसले उनलाई ठक्कर दिएको प्रहरी स्रोतले पुष्टि गरेको हो।

बस चालकलाई नियन्त्रणमा लिई आवश्यक अनुसन्धान थालिएको छ।

प्रहरीले दुर्घटनाका कारण पत्ता लगाउन अग्रसर रहेको जानकारी गराएको छ।